Bugun Toshkent shahridagi Xalqaro Media hallda “II O‘zbekiston-Rossiya media forumi” bo‘lib o‘tdi.

OAV sohasi masalalariga bag‘ishlangan Forumda mamlakatimizda faoliyat yuritayotgan OAV vakillari, jurnalistlar va rossiyalik hamkasblarimiz ishtirok etishdi.

Forum avvalida, O‘zbekiston Respublikasi Prezidenti Adminstratsiyasi qoshidagi axborot va ommaviy kommunikatsiyalar agentligi direktori Asadjon Xodjayev, O‘zbekiston Milliy Teleradiokompaniyasi raisi Alisher Xodjayev bilan bir qatorda O‘zbekiston jurnalistika va ommaviy kommunikatsiyalar universiteti rektori Sherzodxon Qudratxo‘ja ham so’zga chiqib, Forum faoliyatiga omad tilagan holda, forum qamrab olgan mavzular doirasida o‘zining professional fikr-mulohazalarini bildirib o‘tdi.